Bloggbekjentskap

 Gjennom blogginga blei eg oppmerksom på RE-SIGNERT, den fine bloggen Signe står bak. Etter at ho flytta til bygda mi er vi blitt betre kjente. Sist helg drog vi på tur ilag. Biltur med termos og niste. Over fjorden med ferja. Fyrste stopp gjorde vi på gamleskulen på Hatlestrand. I kjellaren der er det ein FANTSTISK bruktbutikk! 

 Her er nokre av skattane eg kom heim med.

 Men målet for turen var Kinck-tunet i Strandebarm. Der skulle opnast utstilling og ein av deltakarane der er Anne Lise Johnsen, dama bak denne bloggen.

 Her er alle kunstnarane som deltok, Anne Lise er nr tre frå venstre.

Det var veldig kjekt å treffa Anne Lise. Eg syns jo at vi har ein god tone gjennom blogginga og det føltes på ein måte som om vi var gamle kjente då vi møttest.Så det var veldig kjekt å ta med ein av desse fine koppane heim over fjorden - som eit fint minne frå ein fin dag og eit triveleg møte.