Sommarprosjekt

To av mine sommarprosjekt: Nr.1: Fornying av dette bordet....malte det grått, men fann ut at eg ville behalda bordplata slik ho såg ut då eg hadde pussa ho ned. Ja.....trur eg likar det sånn.

Prosjekt 2: Snøkrystall-pute. Ja, eg veit det er VINTERMOTIV, men sidan "Jul i Rosendal" skal ha det som tema, er eg alt igong. Motivet er sydd med perlemorsknappar på lin og fyllputa er sjølvsagt med dun. Blir kanskje fleire om eg klarar å samla saman nok ulike perlemorsknappar til det!

"Blått ein dag"....

Velkommen!  Eg er framleis heime. Det blei ein litt lengre bloggepause enn eg hadde tenkt, men eg her enno allså!

 På trappa står  dei alternative sommarskoa opplaina...Støvlar, crox og fjellsko...trur ikkje det blir mykje anna fottøy i bruk denne sommaren. Jau, kanskje ein og annan dagen med sandalar? Kan jo håpa....

 Vi har vaktbikkje - men ho lograr mest, for å sei det sånn...

SIM-sallabim....

 På den siste turen min på SIM sitt "forsyn-deg-sjølv-lokale", fann eg denne kobbervasen. Syns den rett og slett er ganske fin! Kanskje litt påverka av dei fine, gyldne innslaga her i Blogglandia? Upåvirka er eg ikkje!  

Fin, gammal årgong...

 I dag fann eg fram denne gamle strikkejakka etter pappa. Mamma strikka den til han, truleg på 50-talet og den var sikkert mykje i bruk, for pappen min var ein skikkeleg koftemann! Han døydde i 1980 og då arva eg den,. Brukte den mykje utover på 80-talet, men så har den hengt i skapet i mange år. No fann eg ho fram fordi ein av yndlingsbloggarane mine, LivsLyst stadig er på koftejakt. Ja, eg har sendt bilde! No trur eg jammen jakka kjem i bruk igjen. Kan vera god og ha på seg på sånne vårdagar vi har no....



Nett som ny!

 Jammen blei det ein lang bloggpause gitt! Men eg har hatt andre ting å putla på med - for å sei det sånn. Bl.a. har eg vore på møbeltrekkingskurs med GUNN frå GALLERI MØBELSTOFF i Haugesund. Fantastisk kjekt! Den damo kan sine ting allså!

 Svigerfar sin go`stol er blitt nett som ny!

No er den blitt stolen for gitarspeling...

...eller avslapping med beino litt høgt på loppemarknadspuffen...

...og med eit av resultata frå dette prosjektet i ryggjen!

Meir påskepynt

 I dag var det ein klasse som gjorde ein flott innsats til auke av PÅSKEPYNTEN med desse fine kyllingane og malte egga. Egga må nok få opphengstråd i morgon, før dei blir frakta varsamt heim.

GOD PÅSKE TIL ALLE!

Snart påske!

Fann ut at det var lenge sidan eg hadde hatt eit skuleinnlegg. I dag kunne heile 5. klasse stolt visa fram ei stor samling svært så søte PÅSKEHARAR. To duskar i ulike stoleikar, laga etter god, gammal oppskrift, blei sett saman og med øyrer av filt, augo og knappenase med strengværhår, blei dei så søte som berre det! Alle med sin eigenart og sjarme.

Håpar det blir mange godord i heimane rundtom når desse skal pynta opp til PÅSKE. Eg blir iallefall gad når eg ser dei fine resultata. Kosar meg på jobb eg!