MARIHØNO

loppe-vase og bestemor-ruter

2012-02-26T04:00:00.024-08:00

Var på årets fyrste LOPPEMARKNAD i går i Uskedalen.Var litt sein, men fann bl.a. denne vesle vasen frå svenske Rørstrand.

Ved sida av vasen, eit bilde av farmora mi.

Dette er mammo mi på 91år! Enno frisk og ganske rask - iallefall med strikkepinnar og heklekrok. Etter at eg sette ho på idèen om å hekla bestemor-ruter,

har ho hekla ca.800 stk.!

Ho har nytta mykje av restagarnet ho har hatt liggjande og kjøpt litt nytt garn. For å få slektskap er alle rutene hekla rundt med grått til slutt.

Ho har ruter til fleire store tepper, nokre puter og kanskje litt anna?
Eg har lova å montera....Får ta det litt pø om pø.

I fyrste omgong fekk eg ein liten haug av dei rutene som var litt større enn alle dei andre, fordi garnet ho hadde brukt var litt tjukkare -
- og sydde dei saman for så å -

- montera dei på lokket av ein gammal puff.

Blei ganske nøgd med den! litt luren om eg skal mala beina, eller la vera?Syns det er slektskap mellom enkelte av lappane og beina, så då er den kanskje ferdig???

Veska på sida av puffen er sydd av div. plastembalasje. Kjøpte den på Søstrene Grene i Bergen ein gong i fjor. Mykje i bruk!

Siste enkle skuleoppgåve - og litt til...

2012-02-24T09:53:00.007-08:00

Det siste dømet mitt på sånn "påfyllsoppgåver" vi gjerne treng i kunst- og håndverk er denne:

Bretteesker etter denne oppskrifta.

Eg har ferdigkutta kvadtat med utgongspunk i A3-ark, eitt bittelitt større enn det andre. Elevane får eitt av kvart og følgjer instruksjonen - eller eg viser. Lokket kan dekorerast på mange ulike måtar sjølvsagt. Her tok eg utgongspunkt i mønster utfrå eit midtpunkt og elevane fekk eit lite kvadratisk rutepapir, passeleg til eska, og tusjar.

Så må eg berre visa nokre til av dei kjekke skålene laga av mat-papir og fortynna snikkarlim. Denne gruppa blei litt hekta på dekor av teikneseriar. Knase, sant?

Kjekke smågåver og grått hus...

2012-02-21T15:02:00.000-08:00

På kurset til Erling blei vi oppfordra til å laga gåver til nokon vi syns trong det nett no! Ei gåve laga med omtanke og i ei innpakking som passa gåva. Mine gåver er til to flotte damer eg jobbar saman med på skulen.

Innpakkinga her på den fyrste gåva blei så som så, men idèen er kanskje ikkje så dum...Sydde ein slags pose av ein tapetrest...
Oppi posen: Eit glas ikledd LATTE-LUBBE, rett og slett eit vern mot varmt innhald i glaset laga av ein gammal, tøva ullsokk! I tillegg teposar med små kjekke ord på.

Erling er glad i å bruka små ord i mange samanhengar og det trur eg jammen eg kjem til å bli òg!

Viste min TeleTøffel i går.Gler meg til forhåpentlegvis å gle nokon med desse smågåvene...

Turen i ettermiddag gjekk forbi her. Syns dette huset rett og slett er malerisk og godt å sjå på!

Tele-tøffel

2012-02-20T09:25:00.009-08:00

I helga var godeste Erling Nesse på plass med eit nytt kurs i Raualøo. Erling er bl.a. ein av dei to ansvarlege bak bloggen "På Gløtt".

Tema for kurset var "Gjenbruk og gje bort". Jada. Eg laga ein "Tele-tøffel" til meg sjøl ( blei igrunnen veldig glad for den...) og ein til å gje vekk. Her brukte eg litt av eit gammalt broderi og nytt ullstoff (restar frå denne), litt av nokre gamle tøva ullgensarar og eit rammelimsbilde (teknikk lært hos Erling).

Laga andre fine ting òg. Kjem her litt etter kvart sikkert.

Kjekt å vera ilag med så mange kreative, flotte damer ei heil helg - og ikkje minst nyta godt av det gode kursopplegget til Erling! Gler meg allereie til han kjem at i september med nye, kreative oppgåver!

"Kamuflert embalasje"?

2012-02-03T13:02:00.000-08:00

Her er ei mengde tomme plast-flasker fått eit nytt liv! Med hjelp av bl.a. silkepapir, papp, fjører, tusj og SJØLSAGT! - fortynna snikkarlim -er det duka for eit nytt liv for desse flaskene som var på veg i rest-avfallet.

Denne fortryllande varianten av ein pingvin fekk seg ein tur i "foto-studio" - kvit papp under beina og bak, og litt vatt som snø - før den skulle presenterast her. Søt sant?

Dragen ville òg ha "studio-bilde!

To kompissar som her er "på tørk" før dei skal presenterast i eit litt "kaldare element".

Syngje sikkert av full hals desse to? Bak dei, ein sommarfugl.

Det var fleire som syns flaskeformene inspirerte til å laga pingvinar. Her to små.

Sjampo-flasker har inpirert meg til oppgåve på skulen tidlegare. Du kan sjå resultata frå den gongen her.

Nye grytelappar

2012-02-02T08:07:00.000-08:00

Tung grå himmel ute. Det har snøa og vegen opp bakken er blitt glatt. Berre eg kjem meg ned til kaien med bil for å henta "Prinsen" som kjem med by-båten i kveld, skal ikkje eg klaga meg! Eg kan kosa meg med hekletøyet, fyra i omnen og nyta varmen i heimen!

Ha ein god kveld! I morgon kjem det kanskje litt nytt frå skulen. Likar godt å høyra om skuleinnlegga inspirerer andre...berre sånn at du veit det...

Meir "KLISTRA og LIMA"...på skulen.

2012-01-26T10:45:00.000-08:00

Snikkarlim er ganske fantastisk! Her er den brukt saman med avispapir eller matpapir. Oppgåva var å kle ei form (tom isboks, youghurtbeger, skål el. liknande) fyrst med glad-pack og så med lag-på-lag av oppstrimla papir og fortynna lim.

Vi la på eitt par-tre lag eine veka, tørka til neste gong og la på eit par lag til. Tredje gongen lirka og lurte vi ut forma oppi, drog av plasten, finjusterte (klipte) kanten og la kanskje på ein kant med papir.

Medan den no tørka, planla vi dekor. Kikka fyrst gjennom mappa eg hadde på pc-en min med MØNSTER og TEKSTUR-bilder.

Det skulle lagast utkast på teiknepapir med fargar. Eg var litt streng på at det skulle vera ein farge inni og ein annan utpå. Det som eventuelt skulle vera svart skulle malast heilt til slutt.

Får berre primærfargar, så her må det blandast!

Alltid kjekt å ha nokon å diskutera utkast til dekor med....

Eg syns dei blei så fine så eg klarte ikkje å venta til alle blei ferdige før eg la dei ut her, så det kjem sikkert fleire! Gjer ikkje noko det?

Men allså ei lita eksklusiv gruppe med nydelege og skjøre krukker og skåler!

Kunne godt tenkt meg ei av desse eg....

Ny-nytt på veggen...og mykje himmel

2012-01-25T07:21:00.000-08:00

Etter å ha sett på gårsdagens bilder i dagslys og med litt nye augo, blei det limt og klistra litt til...på to av dei. Kanskje du kan finna ut kva av dei tre bilda frå i går eg IKKJE har gjort noko med?

Sånn såg himmelen ut frå heimen min idag tidleg. Ser meg eigentleg aldri mett på utsikta vi har. Ho er "GOD-FOR-AUGA" - rett og slett.

Nytt på veggen

2012-01-24T14:26:00.000-08:00

For fleire år sidan kjøpte eg desse bilda på den årlega loppemarknaden i bygda vår. Det har heile tida vore planen å gjera noko med dei før dei eventuelt kjem opp på veggen. Idag tok eg dei fram...
...samman med silkepapir og fortynna snikkarlim. Kjempekjekt å klistra og lima!

Etter eit par timar hadde eg tre bilder klare...kanskje. Må sjå litt på dei morgon i dagslys. Kanskje limer eg litt meir....vi får sjå. Tanken er å ha dei på veggen i ei av utleigehyttene våre.

Helg i huset

2012-01-21T14:51:00.001-08:00

Er veldig kjekt å ha nokre av dei håpefulle heime når det er helg. Her har Kaia med seg ei venninde og saman med far i huset utforskar dei "Fjes-boka"...

...medan eg har sjaina kjøkenet før eg kunne setja meg i godstolen med....

heklettøyet. Her er to ferdige bordskånarar. Doble, med mønster på den eine sida og bakstykke med berre fastmasker. Kanskje ikkje så anvendelege iogmed dei er så lyse? Jaja, då er det berre å putta dei i vaskemaskina!

Festa trådar på eit par grytelappar som har vore sånt fjernsynsarbeid denne veka. Må alltid gjera på noko når eg ser på fjernsyn - dobbel glede då!

Er ganske så inspirert av godeste Kaspara i fargane her! Enig eller?

Arbeidsdag med utsikt...

2012-01-20T03:07:00.001-08:00

Ute er det kvitt og lyst! Skal på tur om ei stund, men fyrst må eg få orden på ein del hytte-bestellingar og svara på litt mailar. Ikkje farleg når eg kan sitja her med utsikt til fjorden, te i koppen og radioen på full musikk! Fredag er det òg. Kan ein ha det betre?

Inne-ettermiddag i januar

2012-01-19T11:53:00.000-08:00

Det var faktisk lyst når eg kom travande heim frå jobb ca. halv tre i dag! Slett ikkje verst. Men når eg har gått heim frå jobb - kanskje litt fort tilogmed! - kan eg kosa meg resten av ettermiddagen....

...t.d. her ved bordet. Forsvinna inn i bloggeverda der eg lett kan drøyma meg vekk i fleire timar...hmmm

Av og til gjer det ingenting om ettermiddagen berre flyte avgarde utan for mange MÅ-ting. Faktisk øver eg meg på nett dette, la dagane bli til litt etter litt.

Kanskje kjenner eg ekstra på dette sidan alle våre tre håpefulle no er ute i verda og flyg på eiga hand...Er merkbart mindre dur av vaskemaskina....og det er fleire dagar mellom kvar gong kjøleskapet må fyllast opp! Men når helga kjem og ein eller fleire av dei dukkar opp, ja då er det jubel og glede!

Kjempekjekt på ein fin dag!

2012-01-14T09:09:00.001-08:00

Har lenge tenkt å prøva ut ein teknikk som Wilhelmines har vist på den fine bloggen sin for ei stund sidan. Sjå her. Syns skålene ho hadde laga var så fantastisk fine! Var litt putlete, men veldig kjekt! God idè til å bruka dynetrekk som er litt for sletne til dei store syprosjekta, men så altfor fine i fargane til å bli kasserte.

Eg har ikkje avslutta denne her. Kanskje eg skal laga ei skikkeleg god og stor korg til restegarnet mitt? Den som kikkar innom vil få sjå!

Nesten sånn at himmelen ute sto i stil med syarbeidet inne? Jau, jau....
Likar godt at ettermiddagane blir lengre og lysare iallefall!

Søndagstur og sofakos

2012-01-08T10:28:00.000-08:00

Ein stille dag med eventyrlege glimt! Det kjendte landskapet har noko trolsk over seg når det er innpakka i skodde.
Etter turen ba eg om plass i sofaen saman med denne karen.

Inspirert!

2012-01-05T15:33:00.001-08:00

Syns det var kjekt å begynna på jobb igjen så då blir det eit lite skuleinnlegg til.

Her er eit sjarmerande resultat av ei teikneoppgåve. I ein konvolutt har eg mange ord eller uttrykk klipt ut frå aviser og blad. Oppgåva er rett og slett å laga ein billedleg framstilling av ordet/uttrykket. Den kan brukast på ein heil klasse på ein gong eller kan vera ei grei oppgåve å bruka når eleven er ferdig med ei større oppgåve og det enno er tid att.

Ei resirkulert skuleoppgåve

2012-01-04T06:43:00.000-08:00

Mitt fyrste innlegg i 2012 er ein resirkulert IDÈ til kunst- og håndverksfaget: OPPSRIFTSPERM. Gamle permar har fått nytt liv med hjelp av COLLAGE laga av matbilder frå vekeblad. Som lim brukte vi uttynna snikkarlim, eit billegare og like så godt alternativ som decopage-lim. Etter at permen var heilt dekka med bilder, la vi blankt kontaktpapir utpå.

Etterkvart skal permane fyllast med kjekke matoppskrifter!

Har fått litt munnlege tilbakemeldingar på at skuleoppgåvene mine blir brukt fleire plasser. Veldig kjekt om eg hadde fått litt tilbakemeldingar her også...Om det er interesse for det, har eg fleire ting på lur utover våren.

Romjul - ute og inne...

2011-12-30T09:39:00.001-08:00

Endeleg blei så bra vær at vi kunne ut på tur! Vi fekk med oss to av dei tre håpefulle på familietur litt oppi høgda. Kaia gjekk rundt Hattebergfossen med ei venninde og tok Bonsi, hunden vår, med. Vi fire tok turen til SJETHAUG (ja, heiter faktisk det!).

Ein fin dag med flott utsikt over bygda vår.

Fjord og fjell. Eit fint lag av nysnø er kommen på toppane. Litt sånn melisdryss...

Kjekt å prøva dei nye fotoapparata i dag!

Sola og skyene leika seg litt...

Fin utsikt ut fjorden, nesten til havs!

Resten er litt detaljbilder frå "jul i heimen". Tenkte det var siste sjanse til å visa julestemning frå huset i Hålandsbråtet i år.

Juletre og gåveglede....

2011-12-27T05:39:00.000-08:00

Ved nissehusa på hylla kom det på plass tre juletre veslejulaftan. Dei er laga av sånne papp-spolar ein kan få strikkegarn på når ein strikkar på maskin. Fekk ein heil pose av dei hos ei kjekk dame her i bygda som strikkar masse fint! - Dette kvite huset er eigentleg ei bokstøtte som Solveig har laga i porselensleire. Her støttar det seg til veggen og er ein del av "Nissegrenda".

Sjølve "granbaren" er laga av tapetprøvar og stifta på med skyte-stiftemaskin. Blei kjekke dei, syns eg!

Må òg ta med årets gåver til "ungane" her i huset i år....Berre bokstavane til kvar av dei på lokket av skoeskene som eg hadde kledd sånn at dei kunne opna samtidig...I år skulle dei allså få nett like gåver og då var det viktig at dei blei opna på likt!

Tre spente her... og bak kamera ho mor, som også er spent!

Av med lokket! Og under det: Fotoapparat og ulltøfler ( laga av Åshild Nordahl). No kan ho mor ha sine eigne i fred!

Alle blei veldig fornødde - og då senka julefreden seg heilt i heimen...

Jul i kjøkenvinduet

2011-12-12T00:31:00.000-08:00

Då var årets kjøken-julavindu på plass!

Sidan eg vanlegvis ikkje har gardiner her, er det kjekt med litt ekstra "pønt" til jul. Snora hadde eg oppe i fjor òg, men trur ikkje utvalet av ting og tang var det samme.
Nissen er den pynten eg berre MÅ ha på plass.

Måneskinnstur og nissahuset på plass

2011-12-08T13:47:00.000-08:00

Sånn såg det ut igår då vi gjekk ettermiddagsturen vår i nærområdet. I dag gadd eg ikkje ut på den tida. Det regna og blæs. Ulte kring nåvene. Likar det ikkje! - Blei ein ganske så long middagskvil på sofaen i dag, for eg hadde fått på plass....

...NISSAHUSET om omliggjande hærlegheter i går kveld! Då er det jul i heimen vår - nesten.

Mine beste marknadskjøp!

2011-12-06T12:00:00.000-08:00

Nydeleg, sant? Laga av Borghild Skeie. Var vanskeleg å velja av alle dei fine tinga ho lagar. Kunne tenkt meg ALT! Kanskje eg skal samla på HJERTENE hennas. Har eit kvitt frå før...
Denne sjarmerande engelen er laga av Bente Rusten som eg delte bod med...

Måtte ha ein pose med papirstjernene til Turid. Ho har sååå fin førjulsbutikk på Turisthotellet sitt. Kjøpte litt godsaker der òg, men dei er allereie ete opp - utanom dei rista mandlane som eg gjøymer til JUL!

I korga har eg bl.a. strikkahanskar laga av Oddbjørg Heimark, ein liten lavendelengel frå Borghild, tørka epler frå Haust, chutney frå Lutro Invito, snop laga av niesa mi, Anja Thunold og syltetøy frå Margrethe på Utne og av Bente.

Handla litt til, men det kan eg ikkje visa før jul!
Kjekt med JULEMARKNAD!

MARKNAD UNDER TAK

2011-12-03T09:33:00.001-08:00

Mange koselege boder blei det i parkeringshuset! Med utsikter til ei særs stormfull helg blei dei flotte trebodene flytta innomhus. Taka måtte av for å få dei inn og vi var nok litt skeptiske på om dette kom til å fungera, men jammen santen blei det slett ikkje så verst!

Her er det bugnande englebordet til Alma Kjærland frå Fitjar.

Åshild Nordahl har boden sin i eit av dei to gamle trehusa vi disponerer under marknaden. Ho lagar dei hærlegaste tova strikkatøflene ein kan tenkja seg. Kjempefine - og gode!

Loddsalet gjekk strykande! Er spent på om eg er ein av dei heldige i morgon....

Ein god, gammal marknadstravar: Rogde design frå Odda. Kjekke kar å ha på stand.

Eg delte bod med fargerike og frodige Bente Rusten. Vi har kost oss veldig ilag. Gler meg til i morgon, Bente!

Hjerteutstilling

2011-12-02T15:43:00.000-08:00

Årets tema for "Jul i Rosendal" er HJERTE. Dette er eit stikkord til alle utstillarane som blir invitert til marknaden og det er stikkord for utstillinga som blir sett saman av innkomne arbeid frå barnehagar og skular i nærområdet.

Såååå masse fint! Her er bidrag frå dei aller minste i barnehagen opp tilogmed elevar i 7. klasse.

Kjem nok meir bilder frå helga etterkvart.

Puter til boden min

2011-11-30T14:12:00.000-08:00

Viser dei to nyaste putene mine som kjem for sal i boden eg skal ha under "Jul i Rosendal". Er spent på helga. Mange flotte utstillarar gjer no dei siste førebuingane til marknaden. Vi får berre håpa at været ikkje legg hindringar for at dette skal bli ei flott helg !

Jul i Rosendal....

2011-11-29T06:38:00.000-08:00

Tre dagar til ! Eg gler meg!

Vi er ein bra gjeng som arbeider godt saman for å få til denne fine førjulsmarknaden. At vi har vet til å kosa oss saman er det ingen tvil om!

No viser lista 40 utstillarar og vi har spikra saman ein flott program for dei tre dagane marknaden varer. Sjekk ut: http://www.julirosendal.no/

Kjem du?

"Ventestake"

2011-11-27T15:23:00.000-08:00

Årets "ventestake" blei laga raskare enn raskt: Gammalt serveringsfat, litt grønt frå hagen, nokre mandariner, ein neve kongler og fire kvite kubbalys (ja, for det var det eg hadde!) . Åsså julatreet då, som eg har klipt ut av mellomromma i ein kasse frå polet!

Resirkulert julatre

2011-11-22T14:14:00.000-08:00

Då vi (Turid/Rosendal Turisthotell) og eg (Marian/Raualøo) arrangerte "Resirkulert helg" for nokre veker sidan, var hærlege Signe Schineller på plass med både foredrag og raske, kreative hender: Dette resirkulerte julatreet (ja, faktisk! Sjekk her) blei pynta med Turid sine papir-stjerner og mine pinne-julatre.

Eg syns det blei KJEMPEFINT!

Kjekt at ein kan reklamera med at både STJERNENE og PINNE-JULATREA blir å få kjøpt på

"Jul i Rosendal" 2. - 4. desember ( sjekk http://www.julirosendal.no/ ).

Kanskje er Signe der òg? Klar til å pynta fleire tre???

LOPPEFUNN

2011-11-13T05:44:00.001-08:00

Dette er dei fleste funna frå årets loppemarknad i Rosendal. SÅÅÅÅ fornødd, både med stoffa og dei andre tinga. Kanskje tida er inne for å setja saksa i ein del av sengetøy-lageret etterkvart? Treng jo ikkje veksa heilt inni himmelen den haugen eg har, før det skjer noko...

JUL OG GJENBRUKSHELG

2011-10-31T13:46:00.000-07:00

Vi har hatt ei fantastisk Gjenbrukshelg i Rosendal. Foredrag med Signe Schineller (http://www.resignert.blogspot.com/) på fredagskvelden og kurs med Erling Nesse (http://paaglott.blogspot.com/.) lørdag og søndag. Tema for kurset var "Jul og gjenbruk". Den guten er ikkje for katten allså! Makjen til inspirerande kurshaldar skal ein leita lenge etter.

Kurset var i Raualøo. På bordet sto det nokre FANTASTISKE og INNHALDSRIKE posar med materialer og oppgåver som gjorde kursdagane uforgløymelege.

Flotte damer samla rundt bordet med Erling i "leiarposisjon". Han hadde òg gjort klar ein fin utstilling med sine produkt som gav oss meirsmak til timane vi hadde framfor oss.

Frodig samling detta!

Signe var innom og lærte seg overføringsteknikk av bilde til stoff med rammelim. Då må det strykast! Trur det sette tålmodigheten hennas på ein prøve!

Godt fellesskap.

Blei ein del hjerteprodukt...

...med blonder og perler...

...og gull og glitter.

Ei fin samling av produksjonen, sant? Innimellom måtte vi ha mat. Det fekk vi på Rosendal Turisthotell (http://rosendal-turisthotell.blogspot.com/.). Å vera ein tur innom der er balsam for sjela!

Takk Turid for godt samarbeid! Dette vil vi prøva å få til igjen.

BRUNT OG GRÅTT...

2011-10-25T15:52:00.000-07:00

Orda "BRUNT" og "GRÅTT" høyrest så dystre ut, syns eg. Men FARGANE brunt og grått er ikkje dystre i det heile! Dei er varme, trygge og rolege. Kan ikkje sei det annaleis eg. For meg er det berre sånn.

Gammalt og godt!

2011-10-17T05:57:00.000-07:00

Eg likar ting med historie. Det gjer meg glad berre å ha gamle ting "for auga" , og det gjer meg glad når eg kan bruka gamle fat , koppar og skåler i kvardagslivet mitt.

Den gamle slagbenken gjer meg òg glad. Den har historien til mine beste- og oldeforeldre med seg under lokket!
Korgastolen her fekk eg til 17 års dagen min. Den er laga av ein mann her i bygda som i barndommen mista synet i ei skyteulykke. Han lærte seg kunsten å laga korgmøblar og andre ting i pil som han livnærte seg av heile livet. No er han borte men det er mange spor etter han i lokalmiljøet vårt. Eg er glad for dei tinga eg har i mi eige som han har laga.

BLÅE BOKMERKER

2011-10-13T12:26:00.000-07:00

Då blei det fire, blåe bokmerker i kveldinga...Kanskje eg skal kroa meg med ei god bok no?

HAUSTFERIE

2011-10-12T12:50:00.000-07:00

For meg er haustferie bl.a. litt jobb, litt tur og god mat....

Jobb i denne samanheng er å gjera klart ein del ting som skal sendast til Voss for sal på tidlegare Galleri Voss som no har fått nytt namn: BANKSMIDJA. Kanskje blir det litt på lur til Jul i Rosendal òg. Må få opp guffen no viss det skal bli noko å selja!

Her er ein bunke med HJERTE-URO.

Så har eg tømt krukka mi...

...og laga PLASTVESKER. Det er toalettvesker som går gjennom flykontrollen!

Puttar i dei det eg syns passar saman. Lagar meg små forteljingar mens eg held på og har det egentleg ganska kjekt mens eg er igong!

Så må eg ut på TUR!

Treng ikkje gå så langt...

...har fine område rett rundt meg!

Denne gongen rakk eg akkurat heim igjen før det kom ei bya!

Då var det kjekt å komma heim til nybakt EPLEPAI. Heldige meg!

Fargerike sprellemenn på ein gråværsdag

2011-10-06T15:07:00.000-07:00

Her kjem eit nytt innlegg frå skulekvardagen min.

Som eit litt sånn "teknisk" oppgåve har vi laga sprellemenn i 6. klasse. Som inspirasjon hadde eg med to små sprellemenn i tre - den eine ein klovn og den andre ein giraff.

Det skal seiast at dette er ein spesiell kjekk klasse å jobba i og dei heiv seg på oppgåva med liv og lyst!

Veldig entusiastiske!

Det poppa opp den eine knase sprellemannen etter den andre!

Ingen like...ingen klovnar eller giraffar....men mange kjende figurar, folk såvel som dyr.

Litt vanskeleg å få teknikken til å funka, men vi hjelpte kvarandre så godt vi kunne.

Syns dei fekk fine uttrykk når vi drog litt i snora!

Ei oppgåve eg vil anbefala vidare......

...til å bli i godt humør av....

...på ein gråværsdag!

RESIRKULERT

2011-10-01T15:21:00.000-07:00

Har lånt bilde hos RosendalTuristhotel og du MÅ gå inn å sjå her! Dette blir kjempespennades!!

Dessuten må du kjøpa Dagbladet i dag - søndag. Her er det reportasje frå det vanvittig flotte hotellet som Turid og Ove har gjort til ei PERLE!
Sjekk òg bloggen til Signe Schineller. Ho er ein god ambasadør for ting vi likar...seier ikkje meir.

PAPIRHJERTER

2011-09-26T15:12:00.000-07:00

Snart må vi igong med HJERTEPRODUKSJON på skulen. Alle klassane eg har skal delta med HJERTER på utstillinga under "Jul i Rosendal" fyrste helga i desember.
Eg satsar nok på RESIRKULERTE produkt....Har prøvd meg litt fram i avispapir og symaskin, litt stivare papir,...

...som t.d. framsida på Hennes og Mauritz-katalogen, og stiftemaskin. Blir sikkert både uro og juletrepynt av desse. Kanskje kjem det meir HJERTE-STOFF ein annan dag!

HAUST - ingen tvil

2011-09-11T14:19:00.000-07:00

Det bles og regnar. Altandøra vil eg helst ha lukka. Kanskje fyrer eg i omnen før eg breier meg ned på sofaen under eit ullpledd og let verda sleppa taket for ei stund.
I vinduskarmen ligg ting som minnar meg om ein sommar ein gong ein annan stad...

...på kjøkendisken står noko som minnar meg om at om ikkje så lenge så er det jul!!!

Vi treng ikkje snakka om det SÅNN allså, men i min alder er det faktisk skremmande så fort tida går. Skulle ønskt vi kunne stoppa opp LITT, berre for å kjenna på øyeblikket - her og no - den største kunsten i verda er jo å vera til stades HER og NO....

Idè ifrå skulekvardagen...

2011-09-01T14:06:00.000-07:00

Ei oppgåve eg har brukt nokre gonger i 5. klasse når vi arbeider med BORDER,ORNAMENT,RAPPORT og SPEGLING er denne:

Finn det du har på material-lageret som du har litt mengder av og einsfarga stoff (vi brukte filt), Stoffa dekker ein dobbelpult. Elevane arbeider saman to og to og får i oppgåve å laga ei BORD.
Ei bord får ein når ein gjenntek ein RAPPORT fleire gonger...

...så tek eg bilde og legg inn på maskina mi.

Etterpå lagar dei eit ORNAMENT.

Mange av oppgåvene blir som sukkertøy for auga, syns eg!

Det er ei oppgåve som elevane ser ut til å lika veldig godt. Dei syns det er stor stas å få sjå dei ferdige oppgåvene sine som ein bildeserie.

Om dette er noko som kan inspirera vidare, syns eg det hadde vore kjekt å høyrt om!

HELDIGGRISEN!!!

2011-08-22T00:58:00.000-07:00

Det kan dåke gjerne kalla meg om dagen! To "GIVE-AWAY"-pakkar dumpa ned i postkassen min i forrige veke. Denne gule, nydelege pakken med blått innhald kom frå SMÅTINGENE...

...og denne flotte sukkertøy-puta kom frå Doris med bloggen MYMLENOGMY.
Eg blei kjempeglad! Det ligg mange arbeidstimar bak denne og derfor eg eg ganske så audmjuk av å motta den som ei gåve frå nokon eg ikkje kjenner eingong! Men "Blogglandia" er på ein fantastisk måte fyllt med vennskap, omtanke, gode relasjonar og positivisme. Eg er veldig glad for å ha "flytta inn" her!

Husmorferie del 2...turistvarianten

2011-08-15T14:55:00.000-07:00

Den eine dagen var vi skikkelege turistar på båt-tur inn Lysefjorden! Vi blei gaida på både spansk og russisk og følte oss på ein måte longt heimafrå, fordi om vi slett ikkje var det allså!
Men Preikestolen imponerte den. Slett ikkje ufin der den trona innhylla i skoddadottar for å framstå enno meir dramatisk enn den egentleg er. Likte den ja!
Grett å få den nedanfrå for min del!

Husmorferien i år...del 1

2011-08-14T11:59:00.000-07:00

Årets husmorferie gjekk til - som du sikkert skjønnar av dette bilde - til oljebyen STAVANGER.

Her har eg ei kjempegod venninde som verkeleg kan det å ivareta sånne som treng eit pusterom i frå kvardagen på bygda! Hos ho er det godt å vera! Det er balsam for sjela både inne og ute!

Blandt mange besøksmål i denna byen er sjølvsagt FRETEX. Mykje godt for auga her fordi om eg ikkje kjøpte noko - nesten! Kjøpte ikkje desse putene fordi om eg er svak for "bestemor-ruter" men kom heim med ei raud linbukse. Det er då med tanke på "jul i Rosendal". Eg har ein plan, nemleg!

Kafèbesøk i denne fine og fargerike gato er berre eit "must"!

Framhald følgjer!

Søte og koselege...

2011-08-09T12:21:00.000-07:00

Likar så godt når det er aktivitet på ulike stader i huset! I kveld har Solveig venninde-besøk og lydane på kjøkenet er veldig gode medan dei bakar muffins. Eg nyt det i fulle drag . Men
eg kjenner òg på at det nærmare seg hausten...Då skal alle dei tre ungdommane våre ut av reiret og "bonden" og eg skal igjen klara oss på eiga hand!

Enn så lenge: Vi gler oss over fine kveldar...

...og velsmakande kos til kaffien!

Uthuset er klart for gjester!

2011-08-04T12:28:00.000-07:00

Etter morgonturen med Bonsi sette eg igong med å gjera det vesle uthuset vårt klart til nye sommargjester. Du kan sjå huset - såvidt - til høgre for huset vårt.
Nede redde eg opp den gamle senga til "Bonden" og la oppå eit lappeteppe eg sydde ein gong på 90-talet- Passeleg falma etter mange turar på stranda i sommarsol! Ullteppe i fotenden er eit gammalt Fretex-kupp. Over senga heng eit maleri frå "Bjørndal" der vi har sauene våre no om sommaren, og eit tekstilbilde av "Fruehuset", eit hus tilhøyrande Baroniet. Frå vinduet på syrommet mitt ser eg ned på det.

Ja, eg veit eg er nostalgisk!

Kjøkenskapet her er litt sånn litt-av-kvart, men sånn er det vel på fleire "hytter"?

Har tilogmed vaska vindu...

...og pynta med blomar!

Kjekt når sola skin inn!

På loftet er det to senger - og eit trommesett! Det hender at gjester let seg freista men vanlegvis er det "Prinsen" som disponerer loftet her til ein hobby eg er litt glad for at vi slepp å ha inne i vårt hus!

Har ikkje så veldig grøne fingrar så det meste utomhus er "villniss" og planter på sjølvstyr...

...men vi får sei at utsikten innanfrå er det ingen som klagar på!

"JUL I ROSENDAL"....hæ???

2011-08-01T13:52:00.000-07:00

Har hatt ei god arbeidsøkt på altanen. Sidan sommaren kom ein liten tur her i ettermiddag tok eg haugen med invitasjonar til
"Jul i Rosendal" (http://julirosendal.no/)
med meg ut i sola.

Det er Turid (http://rosendal-turisthotell.blogspot.com/) og min sin jobb å kapra gode utstillarar til dette flotte arrangementet i bygda vår. Det er ei tid på året det skjer mykje kjekt og skal vi få dei BESTE utstillarane må vi vera tidleg ute!

Fekk gjort klar ca. 40 til usending i morgon. Fyrst måtte eg skjera ut hjerta på framsida...

...sånn at tidspunkta viser med ein gong...

...for så å knyta det utskorne hjerta til baksida av invitasjonen. Det er nemleg ein kakaokupong! Når invitasjonen er så fin måtte eg bruka litt tid til å skriva utanpå konvoluttane òg.

Syns Åslaug på http://www.salikat.no/ har gjort ein kjempejobb med å spekulera ut den lekre trykksaken. Den damo har snedige løysingar på mykje. Dessuten er ho jysela rask og kjempekjekk!

Gler meg til å senda ut invitasjonane! Og er det nokon her i "Blogglandia" som kanskje kunne tenkja seg å vera med på storhendinga i begynnelsen på desember, så gje meg ein liten lyd. Sender gjerne ut fleire invitasjonar eg!

Til minne...

2011-07-25T14:55:00.000-07:00

Mi djupaste medkjensle....

To sommargleder.

2011-07-14T02:30:00.001-07:00

Når ein bur på bygda kan ein god sommaroppleving godt vera ein tur til by`n. For oss er byen BERGEN. Her er det opp til fleire FRETEX-butikkar som alltid er blandt mine viktige besøksmål når eg er på byutflukt. På sommarens tur kom eg heim med den store BLÅ skåla. Fin sant? Måtte avbilda den samman med den vetle eg hadde frå før.

Ein av dei andre tinga eg MÅ når det er sommar er minst ein konsert på BARONIET. Har iår fått med meg Mari Maurstad/Åge Kvalbein og her; KARI BREMNES. Likar ho veldig godt. Blitt litt meir rocka for kvar gong. Lika da!

Neste veke kjem Bjørn Eidsvåg. Spørs om eg ikkje må ha med meg den òg.

Nøkkelring blir sendt til...

2011-07-08T14:34:00.000-07:00

Jammen gjekk det fort å passera 10 000 sidevisingar! Sidan det varte og rakk før eg trekte - hadde då kommen i 10050 - så sender eg avgarde to nøkkelringar. Dei går til

VILLBLOMSTEN og til LILLEGITTE
Takkar alle som er innom og spesielt dei som legg igjen spor. Alltid kjekt å få eit livsteikn.

Viser nokre få bilder som jenta mi ,Solveig har teke frå "Prestebryggja".
Tre jenter på tur ein sommarkveld, sitja på kaienden og dingla med beina, sjå utover fjorden og drøyma litt... kan vera fint det.

For nokre innlegg sidan var min yndlingsbloggar Nina òg innom "Sommarnatt ved fjorden"...

Eg syns du skal ta ein tur innom henne og bli inspirert!

Ein annan kjekk blogg eg vil reklamera for er denne - Rosendal Turisthotel - snakk om stad viss ein vil ha "sommarnatt ved fjorden"!
Ynskjer gode, varme sommarkveldar til alle - enten det er fjorden, på fjellet eller i by`n!

Ei gåve til deg!

2011-07-06T00:05:00.000-07:00

Snart passerer eg 10 000 sidevisingar på bloggen min! Det syns eg er stor stas. Ein av dei som legg igjen ein kommentar - og legg seg til som følgjar - fram til 10 000-DAGEN blir trekt ut og får ein nøkkelring som eg har laga i posten.

Dette bilde har http://alma--palma.blogspot.com/ teke. Ho lagar fine ting og eg har kjøpt nokre fine nåler hos ho. Kanskje eg viser dei ein annan dag...

Gjennsidig glede

2011-07-04T09:55:00.000-07:00

Er det noko eg syns er kjekt så er det fylgjande; Telefonen ringjer. I andre enden ei venninde som fortel at ho driv og ryddar ut i huset etter mora si.
Huset er fullt av sånt som det blir fullt av når den som har budd der har vore glad i handarbeid all sin dag . - Om eg vil ha noko??? Då er eg ikkje sein i snuen!

Det blei skattar både til skulen (strikkepinnar, glidelåsar, garn og knappar), til mi gamle, enno strikkande mor og til meg. Lika da!

Desse to tinga eg viser her er gåver til ho som ringde meg - begge laga av sånne ting eg fekk i SKATTESAMLINGA.

MINNEVESKE

2011-07-03T03:35:00.001-07:00

I dag vil eg visa resultatet av eit kjekt oppdrag eg fekk.

Ei venninde i Oslo blei nett 50. Ho har i alle år feriert her vest og på den nydelege ,gamle garden der ho har tilbrakt påske- og sommarferiar bur no broren og svigerinna. Ein søndag for nokre veker sidan møtest svigerinna og eg på Baroniet. Ho hadde gått over fjellet (!) frå garden sin og ned i mi bygd og i sekken sin hadde ho diverse minner. Desse ville ho at eg skulle sy inn i ei 50års veske til si svigerinne/mi venninde. Så kjekt oppdrag då! - Og spesielt når eg såg dei spennande tinga ho hadde med i sekken!

På framsida putta eg inn framsida på Frk. Detektiv, eit pår briller ( kan jo komma godt med i vår alder!), ei lita emaljenål, feste få ein hofteholdar og to pins - ein med hestesko (oppned så ikkje lykka renn ut!) og ein med tru, håp og kjærleik.

Brukte 60-tals-stoff til kanting. Det ein hadde faren min på butikken eg vaks opp på og som blei lagt ned i 1974.

På baksida blei det plass til barnebilde av den no vaksne dottera til venninda mi, eit amerikabrev sendt til den gamle onkelen på garden ein gong for lenge sidan, bokmerke med kong Olav og kronprinsesse Martha på, eit Lenin-merke (grett med litt av både det eine og det andre!) - og ein kvit-snipp-skjorte-knapp.

Under bilde er det sydd inn ei heklenål.

På sida er Jesus sydd inn i form av eit gammalt søndagsskuleblad. Venninda mi er prest..... Over - ein lommekniv!

Veska er på vei over fjellet i dag! Håpar den fell i smak og vekkjer minner hos venninda mi. Eg vil gjerne vera med å gle henne om dagen...

SKJØRT OG STERKT

2011-07-01T14:30:00.000-07:00

I dag har eg vore i Skånevik saman med ei god venninde. Mange andre hadde òg reist til denne vesle perla denne helga pga.den årlege blues-festival som trekkjer masse folk - i sin aller beste alder, for å sei det sånn.....Vi reiste fyrst og fremst for å delta på opning av utstilling på galleri Brønnen(http://www.galleribronnen.no/)

Galleriet er dreve av Åse Dommersnes og det er ho saman med ei venninde som no har utstilling der. Åse jobbar i streng. Ho lagar dei skjøraste og sterkaste skulputurane ein kan tenkja seg i dette materiale. Eg er heilt beteken.

Etter utstillinga fekk eg vera med venninda mi på kaffibesøk hos eine broren og svigerinna som har eit fantastisk sommarhus i denne vene bygda. Duådu kor fint!!!!

Det gamle skapet hadde dei funne i kjellaren og var eigentleg tenkt å bli luta. Takk og lov for at dei avslutta den prosessen! Skapet var NYDELEG!

Stova var malt ein lys-lys blå farge, golvet gråblått. Interiøret var i blått, grått og tørkist - ikkje kaldt, men varmt, sjarmerande og inbydande. Ei blanding av nytt og gammalt og veldig uhøgtideleg. Resten av huset var i samme stil.

Var litt sommar i dag men jammen var det koseleg med fyr på peisen!

Tek med eit bilde frå forrige veke då sommaren som snarast var innom ein tur. Sommar hos oss har for ungane allltid vore å få sova på altanen. Her er det "prinsen" Njål som har overnatta med kompiss Jonas. Hunden vår, Bonsi syns det var stor stas å vera "vekkjar".

NO HAR EG BESTEMT MEG!

2011-06-24T09:52:00.001-07:00

Ja, eg har det. Bestemt meg for at det er denne puta som blir mitt bidrag på gevinstfronten når skulemusikken kjøre igong sitt lotteri til hausten. Så då er det berre å ta lodd!!!

Grunnen til at det blei denne er at den er sydd stort sett av stoff og kle eg fann på fjorårets store loppemarknad i bygda vår. Bak det står allså: Skulemusikken!

Her er nytta litt lin, litt bomull, silke- og satengband og ei gammal, fin blonde.

Utfordring: ORANSJE

2011-06-22T13:31:00.001-07:00

Utfordringa om å visa noko ORANSJE i heimen er kommen frå http://sukkertoyforoyet.blogspot.com/. Det fyrste eg kom på var korga eg fekk til 50 års dagen min. Likar den veldig godt! Har vist den tidlegare, i dette innlegget.

Denne er eg spesielt fornøgd med å visa her - både fordi den er fin, men mest av alt fordi eg har funne den på "sett-igjen-lageret" på næraste gjennbruksstasjon. Eg er sikker på at alle som er glad i loppemarknader og andre former for skattejakter skjønnar den følelsen eg fekk då eg såg den i hylla.....YESSSSS!!!!

Ikkje berre oransje men likevel....Dette bilde er eg veldig glad for å ha i mi eige. Kunstnaren heiter Solveig og var 17 år då ho malte det. Ingenting kan gle ei mor (iallefall denne mora!) meir enn ei slik gåve!

Eg ynskjer meg nokre slike oransje kveldar i år òg!

FRÅ IDÈ TIL FERDIG RESULTAT

2011-06-17T14:54:00.000-07:00

Ei litt større oppgåve vi har jobba med i 7. klasse har vore pute i "log-cabin"-teknikk eller tømmerhytte-teknikk som det heiter på norsk.
Elevane fekk ein kopi av sjølve mønsteret og fargela slik dei sjølv hadde lyst. Etterpå var det å gå i restekassane og finna stoff. Mykje er gjennbruksstoff, hovudsakleg i bomull.

Eg hadde vist dei litt korleis dei kunne få fram ei to-deling ved hjelp av fargar. Nokre heiv seg på den idèen.
Det blei konvoluttopning og ferdigpute inni.

Alle var stolte av produkta sine og det er mange blide fjes bak her allså!

Har så lyst å visa alle for dei er så fine!

Ein av tradisjonane vi har på vår skule er ein skikkeleg høgtideleg avsluttingsfest for 7. klassen. Elevar, foreldre og lærarar er samla i amfiet. Det er program av elevane og etterpå er det god mat og talar.Ramma rundt festen i år var ein fin utstilling som min gode kollega Ingunn hadde sytt for. Vi har delt kunst- og handverkstimane i 7. klasse dette året
Bl.a. hadde dei laga fantastiske "nasjonalromantiske" maleri som ho hadde skore paspatour til og ramma inn og putene dei hadde laga saman med meg hadde ho hengt så fint opp. Kjempekjekt å få arbeida så fint presentert. Takk Ingunn!

Gipsmaskene som var laga no på slutten av året var montert på svarte plater.

Her er det ein liten gjeng elevar saman med den fantastiske musikklærar Gro som kikkar på bildemontasje frå tida på Malmanger skule.

SJÅ KVA EG HAR FÅTT MEG!

2011-06-13T12:38:00.001-07:00

Har lenge ønskt meg ein sånn globus og no står den her! Har den rett ved sida av pc-en.
Syns den er FANTASTISK vakker med lys på! Ikkje heilt utan grunn har eg snudd den sånn at eg ser rett på New Zealand....

Ein liten idè heilt på tampen....

2011-06-12T11:37:00.000-07:00

No nærmar det seg sommarferie og då tenkte eg på denne idèen som eg vil dela vidare frå skulekvardagen:

På skulemaskina mi har eg ei mappe kalla BOKSTAVAR, ein slags bank. Av og til får elevane i oppgåve å "laga" bokstavar som skal inn i denne mappa. Dei står fritt til korleis dei lagar bokstaven men den må kunna takast bilde av. Inni banken med den! Så er det meininga at ein kan henta bokstavar her viss ein treng til ei overskrift på eit prosjekt eller eit gruppearbeid. Har etter kvart mange fine bokstavar syns eg, og her berre eit lite utval.

GLA` I GAMMALT...

2011-06-07T13:25:00.000-07:00

Det er ikkje til å komma ifrå: Eg er glad i gammalt og kanskje spesielt gamle tekstilar...
...men krusattøy - porselen og fajanse er heller ikkje å forakta!

Gamle ting har med seg historien sin. Det fasinerar meg.

Her er litt av min historie sidan det eine bilde er av pappen min og bestemora mi. Dei er begge døde. Det andre er av mammo mi - no i sitt einognittiande år og høgst oppegåande.

BORTE BRA, MEN....

2011-06-05T14:59:00.000-07:00

Eg har vore ei lita veke i hovudstaden med 10. klasse på tur. Syns eg er heldig som fekk lov til å vera med - som mamma meldte eg meg som frivillig og med godkjenning av "prinsen" kunne eg pakka snipp-veska for ei aktiv veke austpå.

Har gjort eit val med omsyn til bilde og dokumenering: Operaen. Symbol på det storslåtte og vakre. Eg kan nesten ikkje sjå meg mett!

Fine former og spennande materialer...

Likar denne veggen så godt!

Men så er det ikkje så verst å komma heimatt heller...

Kveldsturen gjekk høgt opp under "Nuten" for å sjekka om sauene hadde det fint. Ingenting å sei på utsikta!

SOVA I SILO???

2011-05-23T11:44:00.000-07:00

Forsete på ein måte der eg slapp i går. Vi bevegar oss utav løa og inn i "nabolokalitetane". Til ei kvar litt eldre løe høyrer det med ein silo. Sånn er det her hos oss òg. Då vi bestemte oss for å restaurera husa på garden der "Bonden" er vaksen opp, fekk eg ein idè - ein KJEMPEIDÈ syns eg sjølv - overnatting i siloen. Og slik blei det!
Var ikkje "staila" her då eg tok bilde. Utfor er det kjekt med eit lite bord og to stolar, men det må bli litt meir "vår" i lufta og litt mindre vind. I dag er det haust...

"Bestemorblom" ved inngonsdøra.

To "Godstolar" i fyrste etasje...

I denne er ei pute eg hekla i 1979! Rødt har aldri vore ein farge i mitt private interiør men sidan dette er i tilknyting til RAUALØO blei det naturleg med raude detaljar. Då kunne eg finna fram gjøymde skattar fra mi tid på husflidskulen på Voss.

Sidan vi er i "Rosebygda"....rosekort i ramma...

......og sidan ein må inn i løa på badet er her morgonkåper og tøfler.

Opp trappa finn ein senga - med dobbeldyne og utsikt til Hardangerfjorden.

Er så glad for at eg kom på å stoppa malinga av veggane - (veggen? Den er jo rund!) - FØR det var blitt kvitt heilt under taket. Likar godt den opprinnelege rustikke støypen heilt øverst.

Litt av trappa.

Dette bilde er teke inn gjennom vinduet - ut mot kjørebrua og med utsikt til fjorden.

Vil du sjekka ut litt meir kan du gå inn på heimesida vår, http://www.folgefonn.net/ . Den skal fornyast snart men inntil vidare....

VÅRT FESTLOKALE

2011-05-22T13:41:00.000-07:00

Har vist litt bilder frå RAUALØO før, men dette er eit innlegg som ei avslutting på konfirmasjonssesongen . Er nett kommen heim frå ei fin feiring av ei kjekk konfirmantjenta og sidan alt gjekk så fint, blei eg inspirert til å visa litt bilder!

Det var så fint dekka og pynta i dag! Familien hadde ordna alt sjølve og verkeleg lagt si ære i det!

Viser òg nokre bilder frå ein gute-konfirmant sitt bord litt tidlegare. Enkelt og gjennomført.

RAUALØO er i bruk heile året til ulike arrangement. Her er borda dekka til ein kollegafest på vinteren. Likar godt at festane her kan få så ulike uttrykk!

SMÅ GLEDER...

2011-05-21T12:06:00.001-07:00

Små fargeklattar gjere godt. Kjekt når dei kan brukast òg!

Litt gammalt og litt nytt - "gode for auga" og flittig i bruk.

Har sagt det før: Er veldig glad i blått!

I vinduskarmen har eg ei lita samling frå strandturar på New Zealand. Gode minner!

Morgonkaffien MÅ drikkast i tynn rosekopp!

EG FANN, EG FANN!

2011-05-03T07:32:00.001-07:00

Kan tru eg fekk adrenalin-kikk då eg oppdaga desse skattane på SIM sitt "forsyn-deg-sjølv-lager". Ja, eg fann både koppane og kanna på ein gong! Det er blitt ein vane for meg å stikka nedom SIM når eg er til Husnes. Det er faktisk blitt sånn at eg ikkje gidda reisa til Husnes for trivialitetar-som apotek og polbesøk- utan at det er ope på SIM!

Her står den nyervera Stelton-kanna saman med den gamla, blågrå som eg har kjøpt for mange pengar...No kan eg velja kanne etter humør!

Når eg først er i farta tek eg med nokre SIM-skattar til. Seks fine vatn-glas med gull og mønster og ei lita, søt sukkerskål som mangla lokk men som snart skal fyllast med kvitveis.

Eit kjekt skålsett beståande av tre skåler med fruktmønster syns eg òg var eit bra kupp.

Ei stille stund....

2011-05-02T15:35:00.001-07:00

Når kvelden kjem likar "Bonden" å ta seg ein kaffikopp hengjande på altanrekkverket medan han bivånar sauer og lam på bakkane nedom huset. Ei stille stund....

Hokatten vår Tommy (!) har seg òg ei stille stund på den nye yndlingsplassen sin. Onsdag i påskeveka kom denne kassen på tunet full av alskens Påskaknask. Guten vår var ein heldig vinnar av Påskaproviant i fotballgruppa sitt lotteri. Eska blei tømt og sett på trappekanten for å fraktast i kjellaren. Syns den var så fin så eg tenkte den skulle fylla eit oppbevaringsbehov eg hadde på syrommet. Blei ståande akkurat så lenge at Tommy oppdaga at her var det ein kjekk plass! Etter ei lita veke-og mange sånne stunder for Tommy-er eska no i "anna bruk", for å sei det sånn!

GODT FOR AUGA....

2011-04-22T12:31:00.001-07:00

Så godt å kunna ha altandøra open heile dagen! Sola varmar frå ein blå himmel og livet kan bevega seg mellom ute og inne. Ute er det vår, sauer og nyfødde lam på bakkane....Inne har eg enno fleire blomebukettar frå den store feiringa mi sist laurdag...

GODT FOR AUGA begge deler!
Bursdagsfeiringa resulterte i fleire GODE TING FOR AUGA - bl.a. denne korga. Oppi den har eg eit langtids-strikkeprosjekt: Teppe av gråe nyansar, strikka i striper og hekla saman. Enno ikkje ferdig men passa godt med grått og oransje, så då har det sin plass for ei stund!

Korga står på sida av go-stolen, og i den har eg fått - eller rettare sagt kjøpt - ei ny pute.

Puta er laga av Karin Bøe. Ho er ei lokal "tekstil - trylle - dame" som eg har stor sans for. Har lenge ønskt meg ei pute av henne og når eg no fekk pengar var eg ikkje sein i snuen, for å sei det sånn! - GODT FOR AUGA? Jaaaaa.

GJESTEGÅVER

2011-04-21T07:26:00.000-07:00

Det har vore ein liten blogg-pause på ei vekes tid og her ser dåke grunnen!

Ei veke før eg skulle feira eitt halvt år hundre, kom eg på at eg eg kunne laga ei lita gåve til alle gjestene mine. Det mest naturlega for meg var å laga NØKKELRINGAR sidan det, på ein måte, er mitt kjennemerke. Tar litt tid då når vi snakkar om 92 gjester!

Alle fekk glas med namnelapp og nøkkelring som passa til. Prøvde å tenkja meg til ein nøkkelring som passa kvar enkelt sin personlegdom. Koste meg veldig med dette!

PS: Det blei ein kjempefest, men DEN kjem eg ikkje til å blogga meir om! DS.

PÅSKE INNE - PÅSKE UTE

2011-04-20T09:39:00.000-07:00

Blomar er alltid kjekt å ha i hus! No feirte eg ganske stort sist laurdag og fekk fine blomar av mange slag. Gul potterose passar godt no til påske. Saman med...

...det gamle fatet eg har steinar, lys og nokre fargerike egg på,
blei dette eit "PÅSKE-STIL-LEBEN" .

I taket heng nokre fuglar laga av gamle tapètprøvar.

Påske ute hos oss vil sei sauer og lam på dei IRR-GRØNE bakkane....

...og ein kaffikopp og aviser på trammen. Absolutt "DET GODE LIV PÅ LANDET"!

PÅSKEHARE

2011-04-09T09:11:00.000-07:00

Den blei til fordi vi mangla gult garn på skulen då eg skulle planleggja litt "Før-påske-aktivitetar". Fann litt forskjellige kvite kvalitetar og dermed blei det ein Påskehare. Sånn er jo ofte skulekvardagen. Vi må utnytta dei tinga vi har. Eigentleg likar eg det litt - det å ta utgongspunkt i dei materiala som finns og så sjå kva vi kan få til utav det.

KREMMARHUS OG FOSSEBRUS

2011-04-03T07:01:00.001-07:00

Skikkeleg god søndag har det vore!

Fyrst tidleg oppe og sydde ferdig ein liten haug med

PÅSKE-KREMMARHUS....

...og så ut på tur rundt HATTEBERGSFOSSEN...

...ilag med HATTEBERGJEN ("bonden") og hunden hans, BONSI.

"Bestemorstoff"

2011-04-02T08:57:00.001-07:00

Eg er blitt ispirert av http://lillehottentott.blogspot.com/ som oppfordrar til å visa "Bestemor-stoff-produkt". Det har eg faktisk litt av! - Viss vi kan vera einige om at dei ikkje treng vera direkte frå "bestemor" men frå "bestemor si tid"!

Er veldig glad i gamle, "blaute" stoff. Denne lilla veska er sydd av eit sånt. Eigentleg eit nytt stoff frå "Helgjen" sin butikk! ( "Helgjen"=pappen min, han dø i 1981, butikken la ned i 1974).

Blonda har eg fått hos ein annan Helge - Helge Braanen. Han var kostymesjef på Nasjonalteateret på 80 og byrjinga på 90-talet. Eg var assistenen hans under nokre oppsetningar.

Nokre skattar kom meg i hende den gongen... Denne veska og sminkepungen er sydd av to av svigermor sine finaste kjolar... Her òg er det brukt diverse gamle, blaute stoff, bl.a. eit dynetrekk og trekket på ein stol svigerforeldra mine hadde på soverommet. Har etterkvart skjønt at det er retro-stoff som er mest "in", men det finns mange andre fine stoff også! Eg blir aldri lei av stoff og syns det er godt å kjenna på og godt å sjå på. I dag har eg fått sydd litt påskepynt, men fekk ikkje teke bilde før det blei for mørkt, men då har eg kanskje ein plan i morgon?

Påskefargar?

2011-03-28T13:43:00.000-07:00

I dag har eg berre tilgong på gammal datamaskin og dermed gamle bilder. Har lånt vekk den nye datamaskina mi til "Prinsen". Blei derfor sitjande å bla gjennom bilder frå lengje før eg begynta å blogga. Kom over dette som gav meg VÅRSTEMNING på ein måte. Har nok med både fargar og motiv å gjera. Minnar meg om at eg snart (forhåpentlegvis!) kan setja meg på altanen å mala sauer igjen. Om berre VÅREN kjem då.....

OG VINNARANE ER....

2011-03-25T14:49:00.000-07:00

For ikkje så lenge sidan la eg ut stoffpakkar for sal, men ein av dei ville eg gje vekk når eg passerte 5000 sidevisingar til ei av dei som kommenterte under innlegget.

No gjekk det kjempesnart å passera 5000 visingar syns eg!

Men det var ikkje så mange som la inn kommentar, så derfor har eg bestemt at Kvardagsgleder får stoffpakke 2, Det blaa huset får nr 5. Hellohellobaby får loppemarked-overraskelse når ho kjem på hytta til påske.Noko lurt har eg òg til Rod i hob .

Det var faktisk alle som gav meg eit lite hint...Må sei eg lure på kven alle er som kikkar innom...hmmmm

Sjå kva eg har fått! Blir så glad eg når nokon vil dela sånne skattar med meg.

Blonder, nuppereller....

...for ikkje å snakka om knappar! For meg er dette skattar!

På ein fredag heima hos meg kvile "Presidenten" godt på sofaen!

Håpar alle får ei fin helg -eg skal kosa meg på loppemarknad både laurdag og søndag,

- kan ein ha det betre?

LITT "HØG" I DAG.....

2011-03-23T12:31:00.001-07:00

Kjenner meg veldig beæra etter å ha blitt foreviga av den fantastiske BODIL HAGA - ho med den nydelege bloggen BO design & foto - for så å pryda framsida på Magasinet til lokalavisa vår, Kvinnheringen i dag. Du får svinga innom Bodil viss du vil sjekka ut Magasinet. Inni kan du lesa både om henne og om meg. Er det løye eg er "høg" i dag?

LOPPIS OG PUTE

2011-03-21T16:27:00.001-07:00

Her er litt av det eg fekk med meg frå loppemarknaden i Omvikdalen på laurdag. Må sei meg veldig fornødd! Fine retrostoff her. Ikkje så verst krusatøyet heller.

Laurdagskvelden var vi på storfest til ei ung femtiåring! Blei pute-gåve igjen...

Når du no er innom ein tur - kikk gjerne litt på det forrige innlegget mitt. Eg treng nokre på lista mi til trekkinga av "STOFFPAKKE 2" når eg passerer 5000 visningar. Er du med?

STOFF-SAL OG "GJE-VEKK"

2011-03-20T01:34:00.000-07:00

Ryddar i stoffa mine og etter inspirasjon frå bl.a. Dillogdallogsånt , jannepålanne og maya har eg laga stoffpakkar som eg ynskjer å SELJA og så vil eg GJE VEKK ein av dei.

Den dagen eg passerer 5000 visningar blir det trekking!

Eg har all min dag samla på stoff så i pakkane er det minner frå 60-,70-,80- og 90-talet - faktisk!

Pakke 1,2,3,4,5,6 og 7 : 200gr. og kostar kr. 80.- + frakt (kr. 27.-)

Pakke 8 og 9 : 300gr. - Kr. 100.- + frakt(kr. 27.-)

Ynskjer du å kjøpa, send melding til marian@rosebutikken.no

DEN FYRSTE SOM KOMMENTERER EIN AV STOFF

PAKKANE under innlegget BESTEMMER KVA SOM BLIR "GJE-VEKK" -pakken.

Eitt lodd for kommentar.

To lodd som følgjar.

Tre lodd om du legg meg til på blogg-lista di.

No er eg litt spent!

1. 2. 3.

4. 5.

6. 7.

8. 9.

HEKLETØY OG SØNDAGSKOS

2011-03-13T05:44:00.000-07:00

I den fine posen eg har kjøpt hos Kaspara har eg i den siste tida hatt eit av UFO-produkta mine - ifrå 1978 faktisk! No nærmar det seg ferdig, og då skal det bli ei pute. Sånn eg tenkje no trur eg den passar best i ei av utleigehyttene våre. Eg hekla og strikka meg gjennom heile vidaregåande! Har fleire produkt frå den tida med litt spesielle minner knytt til seg - f.eks. tyske preposisjonar eller norske forfatterar frå 1800-talet!

Ganske kjekk teknikk til å få brukt opp masse restar på. Mange har vore borti den med stoff og symaskin, kjendt som "log-cabin" eller "tømmerhytte-teknikk".

Mens eg var oppteken med fotografering fekk eg besøk!

"Svarte-Petra" syns òg om Go`stolen.

Jaja, då fekk hekletøyet vera hekletøy ei stund.

Kanskje eg kan få litt hjelp her til søndagsmiddagen?

FEMKANTBALL I SJETTE KLASSE

2011-03-11T05:26:00.000-08:00

Eit av prosjekta eg har hatt med sjette klasse etter jul er å sy BALL av femkantar.

Elevane fekk ein MAL kvar og måtte teikna av og klippa ut 12 papp-mønster.

Så var det å velja stoff ifrå fillekassen!

Etterpå måtte ein klippa stoffa i femkantfasong - litt større enn mønsteret...

...og teipa stoffet fast med maskeringsteip.

Små sting måtte vi øva litt på, men jammen gjekk det greiare enn eg trudde!

Ikkje lett med tynn synål og lite auga når tråden skal gjennom!

Nesten ferdig....

...og heilt ferdige!

Mange fine resultat og glade fjes! - Det er nesten det beste med å vera lærar; å sjå dei gode fjesa til elevane når dei har fått noko til og er fornøgde! Gyldne øyeblikk kallast det...

STOVA MI

2011-03-09T14:03:00.000-08:00

Litt vårleg stemning i stova med ny blom på bordet.

'Jada - eg veit at dei neste bilda er nesten like, men klarte ikkje å velja. Det er noko med å få det rette utsnittet....

Håpar alle som er innom syns det er bra at det no går mot lysare tider! Eg gler meg til VÅR! Men før den kjem syns eg det er GANSKE KJEKT med alle som er innom her og eg likar VELDIG GODT å få kommentarar, berre så du veit da!

PUTEBESTELLING FERDIG!

2011-03-08T09:36:00.001-08:00

For ei stund sidan var vi invitert i 60 års dag til ein god nabo, og som alle andre jubilantar eg får vera med å feira, blei gåva - ikkje overraskande - ei pute.

Jubilanten si kone blei så forlikt i puta at ho bestelte opp til fleire i samme fargekombinasjonane.

Kjekt for meg sånt!

Syns egentleg putene kler den gamle gyngestolen min ganske godt....

....og ikkje så dumme i linstolen heller. Men no er det nok puter i dei stoffa.
Eg har fleire andre stoff- 0g fargekombinasjonar å gå laus på! Har fått ein ganske fin haug med nye stoff frå ei venninde som ryddar hus etter foreldra sine. Snop for meg det!

2011-03-03T12:19:00.000-08:00

KJØKEN

Her kjem mitt bidrag til NIB si utfordring: KJØKEN.

Huset vårt var nytt i 1990, men vi pussa litt opp i 2008. Då skifta vi ut det trekvite JKE-kjøkenet med eit kvitt IKEA-kjøken. Dei lukka overskapa blei fjerna til fordel for opne hyller. Den snille snikkar-broren min laga solide vinklar sånn at hyllene verkeleg skulle tåla ein støyt!

No har eg berre i hyllene mine det eg brukar - ja, nesten berre det då...

Veggene blei malt oppatt i ein litt meir gråblå farge i forhold til orginalen ifrå-90.

Brødskapet frå "Helgjen sin butikk" har eg skreve om før...

Sjåder ja! Ein kjøkentjenar. Frisk frukt er ikkje å forakta!

Litt blå blomeglede på eit blått kjøken!

FORUNDRINGSPAKKE FRÅ DUBAI

2011-02-28T12:03:00.000-08:00

For ei stund sidan fekk eg melding på "fjesboka" frå ein sambygding som for tida bur i Dubai. Om det var sånn at eg hadde nokre ynskjer om fornying i stoff- eller bandsamlinga mi, så skulle ho snart ein liten tur heimom og kunne meir enn gjerne syta for litt "godsaker" i bagasjen. Kan jo ikkje sei nei til eit sånt tilbud! Og her er kva ho kom med. Utruleg vakre og fargerike band i ulike variantar. Blei veldig glad eg!

Var ein liten tur i "nabohagen" òg i dag. Alltid noko å finna der som ein kan ta med heim. Er ein ein samlar så er ein samlar, sånn er det med den saken.

Ein fin dag har det vore med mykje godt for auga! Kan lett bli sitjande i sofaen eg, og berre nyta dei siste solstrålene.

Litt interiør

2011-02-23T14:10:00.001-08:00

Eg begynte å blogga fordi eg i lengre tid hadde kost meg i "Interiør-Blogglandia-verda " og følte etterkvart at eg ville "flytta inn" her. Men ein kan jo ikkje vera del av den verda utan å bidra med interørinnlegg! Har skjønt det då, etterkvart. Fekk avslag på søknaden min i "NIB" fordi eg hadde for få innlegg om interiør. Får prøva å rette litt på det, så her er eit

BADEROMSINNLEGG.

Berre så det er sagt.

FILLESTRIPER - PUTE KANSKJE?

2011-02-21T11:28:00.000-08:00

På arbeidsrommet mitt har eg ei stor korg full av UFO-produkt. Ja, UFerdige Produkt allså.

Av og til rotar eg gjennom den for kanskje å finna noko eg nesten har gløymt ut og som kanskje plutseleg kan vera kjekt igjen.

I dag kom eg over denne prøvelappen. Smale striper av stoff lagt ved sida av kvarandre og

sydd over med rettsaum. Litt kjekk teknikk for sånne som meg som nesten har problem med å hiva småbetar av stoff i det heile!

Kanskje kan det bli ei pute? Kanskje....men ikkje i kveld. No skal eg -ikkje kanskje, men heilt sikkert- kosa meg i sofakroken med eit strikketøy, rett og slett! - Ikkje rett og vrangt, allså!! Hehe.

SNART VÅR!

2011-02-18T16:00:00.000-08:00

Er veldig klar for vår no!

Tok ein rask tur gjennom bildearkivet og fann desse bilda.

Her er resultat frå ein ute-time der ein 5. klasse har jobba med

ORNAMENT og MØNSTER.

Eg får vårfornemmelsar, gjer du?

med det siste bilde går ei
spesiell helsing til Malena med bloggen
http://hellohellobaby1.blogspot.com/

FRUKT OG FETTSTIFT

2011-02-16T07:26:00.001-08:00

Bilda viser resultat frå ei kjekk oppgåve eg har brukt i 5. klasse i dag!

Den går kort og godt ut på:

Teikn to eller fleire frukt med fettstift . Arket skal vera dekka med farge.

Mal over heile arket med vatn-farge, gjerne i ein kontrast-farge.

Krøll arket saman.

Skyll under rennande vatn.

Brett arket FORSIKTIG ut igjen og legg det til tørk på t.d. avispapir.

Eg brukte kopi-papir, men skulle nok ha brukt teiknepapir. Utruleg kor skjørt vått papir blir!

Neste gong skal vi montera desse opp på farga bakgrunn.

Har brukt denne oppgåva fleire gonger, t.d. når vi arbeider med fargelære eller stil-leben. Elevane syns det er kjekt å sjå den forvandlinga som skjer med krakkeleringa og verknaden kontrastfargen gjer. Kjekt viss nokon andre prøver. Gje ein lyd då!

GALLERI-BESØK OG MORSDAG

2011-02-13T14:30:00.001-08:00

På laurdagar går ofte turen til Galleri G.Guddal.(http://www.galleriguddal.no/)

Her møter vi kjendte, preikar, drikk kaffi og et kake.

Endå er det litt for kaldt til å sitja ute...

Vi blir ofte sitjande heilt til stengjetid. I dag er det berre eit ostekakestykke att!
Ikkje berre meg som likar den, allså.

Masse fint i hyllene her. Eg er svak for rosekoppar...

...men likar òg strame former og...

...klare fargar.

Likar formene og fargane på desse òg.

...og uttrykket til Solveig er eg alltid svak for!

Etter laurdag, kjem som kjendt søndag -Morsdag, tilogmed!

Ikkje verst når det ligg ein sånn ein på frukostbordet frå "Prinsen" på 15.

Systo på 18 svingar opp med frukost...

...far i huset har kjøpt blomar og diskar opp med lammalår og fløytegratinerte poteter til middag. Eldstejenta i byd`n ringjer og gratulerer, og seier ho kjem heim i morgon! Kan kje ha da betre! Lika da!

BESTE LOPPEMARKEDKJØP OG LITT TIL...

2011-02-11T15:46:00.000-08:00

Blandt mine aller beste loppemarkedkjøp trur eg denne fillerya må vera!

Fann den for eitt par år sidan på det store loppemarkedet som pleier å vera annan kvart år på fruktlageret på Nå. Gler meg til årets , veit ikkje enno kva tid...

Syns det er så nydelege fargar - tørkis, rosa, besj og blå. Lika da!

Etter at eg hadde fått ut tepper og ryer på altanrekkverket, tok "bonden", bikkja og eg oss ein tur i nærområdet - dvs. til Træo gjennom Baronihagen og heim. Treng ikkje gå lenger
for å ha ein fin tur!

Fredagsvasken gjekk som ein leik den, då vi var kommen heim! Er ikkje så veldig glad i å vaska då, så litt ekstra motivering må alltid til.....

Eg har fått ei utfordring hos Solveig:

http://hushansen.blogspot.com/

som eg berre må hiva meg på. Den går ut på å svara på sju spørsmål og dei, + svara då, kjem her:

1: Ta opp næraste bok, slå opp på s.18, linje4. Kva står der?
Øverst i ein bokstabel på sida av datamaskina, ligg Lars Amund Vaage si "Skuggen og dronninga" som eg nett har fått i forsinka 50 års presang. Eg slår opp og les:

"Skjemst du over Sara?" spurde Inger. "Var det derfor du.....

2: Det siste du såg på fjernsynet?

Eg avslutta NRK si "Gullrekke" med Kveldsnytt. Måtte ha med meg siste nytt frå Egypt og om den tragiske rasulykka i Eikjedalen....

3: Bortsett frå datamaskina - kva høyrer du då?

Eigentleg berre ein svak dur frå varmepumpa. Den blei fredagsreingjort av "bonden" så då er duren minimal!

4: Når var du sist ute - og kva gjorde du då?
I går kveld var vi på Husnes på opning av årets kulturfestival. Vår gode nabo, Dag Sørensen opna utstilling og det måtte vi ha med oss.

5: Kva har du på deg?

Er som vanleg ganske grå i habitten; langarma grå gensar med ein grå tunika utanpå og dongeribukse. På beina har eg desse utruleg gode tøflene som er på sista bilde. Kjøpte dei på http://www.julirosendal/ hos Åshild Nordahl .Vi er faktisk fleire i familien som slost om dei...."Nåken" må ha dei på ønskjelista til neste jul....

6: Kva var den siste filmen du såg?
Trur det var reprisen på Max Manus som gjekk på fjernsynet for ikkje lengje sidan.

7: Skulle du kunna overveia å flytta til utlandet?
Ja, absolutt for ei stund! Kan ikkje sei anna enn at turen til New Zealand frista til eit litt lengre opphald...

UTFORDRINGA GÅR VIDARE TIL DESSE KJEKKE BLOGGANE:

http://husetvedfjorden.blogspot.com/

http://www.lises.net/blogg/

http://sonjafraasunnfjord.blogspot.com/

http://marta-ifarta.blogspot.com/

OPPBEVARING

2011-02-08T10:13:00.001-08:00

Eg har forstått det slik at NIB ( Norske interiørbloggere) oppfordrar til å visa bilde av oppbevaringsløysingar i februar. Ein konkurranse som varte fram til 7. februar og som eg då er for sein til å vera med på, men eg vil vera med likavel! -På min måte!

Eg har søkt medlemskap i NIB og fekk svar om at søknaden kom til å bli behandla innan ei viss tid og at eg ikkje kom til å få svar viss eg blei teken opp men viss eg IKKJE fekk godkjent medlemskapet skulle eg få melding! - HJELP! Er eg medlem? - Er eg ikkje medlem? Kan eg berre henta inn logoen og leggja den på sida mi? Korleis gjer ein det? Det er eigentleg mykje eg lure på i denne bloggverda....Eg skal sjekka ut litt meir når eg berre har fått klart innlegget. Ja, eg skjønnar at det virkar litt bakvendt, men måtte berre få ut litt frustrasjon.

Men til saken: Øverst på hylla med stoff på syrommet har eg samla ein del av korgene mine. Oppi dei har eg bl. a. blonder, band, gåver-på-lur ,verktøy og brodergarn.

I vinduskarmen har eg glas med knappar og på sybordet smågodt-boksar med sytråd. Desse boksane har eg lyst å byta ut, men eg må finna eit godt alternativ fyst!

Neste gong du er innom ligg kanskje logoen til NIB her - kanskje....

PRESANGPUTE OG TEIKNEOPPGÅVE

2011-02-03T07:24:00.000-08:00

Alle eg kjenner som feirer noko eller rundar år, får for tida pute. Eg syns det er så kjekt å sy sånne! Treng ikkje laga to like, men det hender eg slår til med ein "slektning".

Denne blei "omplassert" på laurdag då eg var på stor jentefest.

Då eg starta opp med blogging tenkte eg at eg skulle leggja ut nokre av det eg driv på med på jobb. Har ikkje blitt så mange kunst- og handverkstime-innlegg til no, men her kjem eitt. Kanskje nokre andre kan bruka idèen?

Eg har laga meg ei billedmappe med berre bilder av tre og greiner, skog og skogsbotn. Denne viser eg for klassen som rein inspirasjon før vi teiknar tre.

Her viser eg berre trebilder teikna med kolstift, men vi har òg teikna tre med kvit blyant på svart papir. Eg syns ofte at bilder inspirerer lettare enn snakk og forklaringar!

Eitt motiv - to bilde

2011-02-02T10:30:00.000-08:00

Denne bakken er sånn at pulsen aukar "litt" viss ein trør litt på! Av og til - eller ganske ofte - er det sånn at eg må stoppa og pusta litt på før eg kjem meg vidare. Sånt kan det bli bilde av! Ikkje så gale at det ikkje er godt for noko, for å sei det sånn!

LAPPETEPPE

2011-01-30T09:35:00.001-08:00

Eit av dei få lappeteppa eg har laga som er blitt FERDIG! Eg har aldri laga teppe etter ferdig mønster eller oppskrift. Syns heile spenninga ligg i det eg ikkje veit. Derfor planlegg eg heller ikkje så nøye korleis teppe skal sjå ut. Prinsippet her var å sy saman striper av stoff med blomar på, - helst småblomstrete, og at striper etter kvarandre skulle vera "i slekt",-at minst ein farge skulle gå igjen. Då eg skulle montera stripene saman prøvde eg å fordela dei raude felta og ikkje få like stoffstriper på sida av kvarandre. Det siste klarte eg ikkje heilt....

Mellom stripene har eg ein"fyllt" tittekant. Inni er det flaggsnor....Har ei venninde som hadde ei mor som jobba på flaggfabrikk. Ho hadde teke med seg ein pose med flaggsnor som berre var blitt ei stor vase og eigentleg skulle hivast. Den enda då opp hos meg med begrunnelsen: "Du som samlar på alt, kan sikkert bruka detta til noko".- Javel??? Ja, så fekk eg bruk for flaggsnora då - eg har jo ikkje flaggstang!

VINTERSTOVE

2011-01-26T11:57:00.001-08:00

Er avhengig av store, mjuke puter til middagskvilen...

Måtte prøva å ta bilde med ...

...og uten blitz.

Lite nytt og mest gammalt, for å sei det sånn.

VINTERSTOVE

2011-01-26T11:54:00.000-08:00

2011-01-24T09:33:00.000-08:00

EIN LILLA DAG

Veske sydd av eit gammalt stoff frå "Helgjen" sin butikk, (pappen min heitte Helge, då).

Fann nesten berre lyselilla ting på "lageret" mitt.

Lilla glidelås og opphengsløkkja. Desse toalettposane syr eg av plast med "innputt" av "lommerusk" og gamle smykkedeler, frimerker og anna dill og dall...Egentleg ingenting av verdi, men eg diktar små historiar for meg sjøl når eg lagar dei.

Viss ein har ei sånn med toalettsaker når ein skal på flytur, slepp ein å pakka om!

Lilla puter har eg etterkvart laga ein del av, men ingen like!

Frå stoffhylla...

Dette fann eg på det forrige loppemarkedet eg var på.Gjett om eg blei glad!!! Kva syns du, KASPARA? http://kasparasregnbue.blogspot.com/

Jada, eg fann nokre lilla inspirasjonsbøker også.

Med dette bilde av det næraste eg kunne finna ein lilla solnedgong i mitt bildearkiv, avsluttar eg fargetema-blogginga. Eg syns det har vore kjekt og gjer det kanskje igjen seinare. Men no vil eg finna på noko anna - morgondagen vil visa kva det kan vera! Håpar "dåke" vil hengja med.

2011-01-23T10:41:00.000-08:00

EIN ROSA DAG

Gammal speilfløyelsgardin frå yndlingsbutikken min i byn; FRETEX, litt arveblonder og ei lita nål av heller liten verdi blei til ei veske.

Søsterveska til den eg viste i går.

Oppbevaringsposar av gamle, "blaute" stoff, gjerne fòra med tynn silke og eit "feminint" bokmerke for "søt" litteratur!

Er glad i alle former for gamle blonder.

Rosa stoff i ulike variantar.

Denne skåla har eg kjøpt på den mest fantastiske brukt-butikken i Uskedalen. Likar det litt blondete uttrykket.

På ein dag som i dag kan eg nesten ikkje skjønna kor alle desse fargane er henne! Men om nokre få månader kan vi vera i dette fargerike landskapet igjen. Eg gler meg!

2011-01-22T08:30:00.000-08:00

EIN BRUN DAG

Litt gammalt-nytt for nokon. Den store veskeproduksjonen hadde eg for nokre år sidan. Denne gjennomsiktiga, rustbrune har eg enno i mine tøler, medan dei to andre ikkje høyre meg til lengre.

Litt utanom sesong men, men...Desse juletrea lagar eg av pinnar frå Baroni-hagen. Har laga reglar for meg sjølv som seier at eg ikkje skal plukka pinnar andre stader enn der. Eg har heller ikkje lov å bryta pinnane, blir så "ferske" på enden då. Kvar gong eg er på tur plukkar eg lommene fulle for så, etter ei stund, ha ein sånn "perl-i-samen-dag".

Gammalt-nytt igjen!

Natur er alltid til inspirasjon!

Kom plutseleg på denne fine, gamle koppen! Skal ikkje sei kor eg har kjøpt den...

Eg er ganske svak for gamle ulltepper...

...og gamle koffertar.

Eit hus i nabolaget på ein våt dag.

Dette er òg i nabolaget. Vi er i Norges største hjortekommune - og vi kan telja opptil 70-80 dyr her midt på dagen! Ganske flott, syns eg, medan "bonden" må teipa siloballane sine, for hjorten har ingen hemningar på å riva dei isund...